Música: maio 2020

Percusión Corporal

Todos nós, levamos sen sabelo varios instrumentos sempre con nós : a voz e a percusión.

Confésovos que son os meus instrumentos preferidos...

Póñovos varios exemplos para que disfrutedes . Hai vários estilos e varias dificultades
1. No primeiro vídeo os alumnos dunha coral de Bizkaia poñen música aos escenarios do Guggenheim dun xeito fermosísimo.
2. Os seguintes son vídeos de xogos que eu cantaba de nena. Seguro que vós coñecedes moitos máis. Podedes ensinarme algún xogo con percusión corporal que coñezades, faríame moita ilusión. Lembrade que para envialo, tedes o mail: solmisolmimi@gmail.com
3.Por último unha cantiga que hai anos, cantamos no colexio moitísimo, cos nenos máis maiores. Os nenos de 4º , 5º e 6º, anímovos a practicalo co titorial que acompaña a este último vídeo. Cando consegues aprendelo non podes parar de cantalo e tocalo pero necesitaredes un compañeiro ou compañeira para practicalo.

1. Bring me little water Silvy
Leioa Kantika Korala

1

2. En un convento e Miliquituri.

I

3. I´ll think of You

Se queredes aprendelo pouquiño a pouco premede nesta páxina web ou mirade a estes dous nenos do coro "Os Boscos"ensinándonos o xogo das palmas.

Música en galego

Onte foi o día das letras galegas. Unha lingua fermosa na que é unha ledicia falar, recitar e cantar.

Como este é o blogue de música, centrémonos nesto último punto, cantar.

Que grupos escoitas ti que canten en galego?
Se vos animades, podedes mandar un vídeo co retrouso dunha desas pezas que tanto vos gusta cantar na língua de Rosalía de Castro ( un a anaquiño de non máis de 20 ou 30 segundos) . Non é unha actividade obrigatória pero vou poñer prazo de entrega para non volverme tola 😜.
Tedes ata o xoves 28 de maio, en horizontal , por favor 🙏🙏🙏🙏

Eu deixo aquì unha proposta de 30 grupos que cantan en galego, de estilos totalmente diferentes. Seguro que algún é do voso agrado.

Déixovos tamén máis abaixo unha cantiga recen saída do forno de Uxía Senlle e outra dunha versión de “O maio” de Curros Enríquez fermosísima.

Pon música ao teu nome !

Non podo estar máis contenta e feliz de vervos cantar .

Sodes uns verdadeiros artistas!
Aquí tedes o vídeo completo de todas as vosas creacións. Entre todas elas hai un nome especial que leva agachado un nome moi importante estes días . Saberedes atopalo?

Disfrutade destas incribles actuacións.

Música con RICARDO CARBALLO CALERO

Atopeime con este víde, onde unhas nenas fixeron un Preguntoiro musical sobre RICARDO CARBALLO CALERO. A ver se vos gusta.

Marful

Carvalho Calero, Ricardo, Reticências... (1986-1989), Barcelona, Sotelo Blanco, 1990. Melodia: Ugia Pedreira. Arranxos: Marcos Teira, Pedro Pascual, Pablo Pascual Pido talvez o que nom podes dar-me. O que talvez ninguém pode dar-me. Isso pido. Mas se tenho necessidade desse alimento, pouco consolo é para a minha fame que tal grao nom se dê nas estepas desta terra. Pede-lhe a quem me pujo neste mundo o pam que deveu pôr-me baixo o braço cando nacim. Umha liçom de geografia económica nom é farinha para o coraçom.

Manoele de Felisa , un cantautor galego puxo música a unha das letras de Ricardo Carballo Calero durante estes días de confinamento.

Pon música ao teu nome en Galego II

Hai cinco anos fixemos esta actividade no cole e fora moi divertido ...

Trátase de poñer música ao teu nome . Pode ser un tema vocal ou con acompañamento ( voso ou da vosa família, percusión , guitarra, piano , fagot, ukelele...), se a cantiga di algo máis que o teu nome , faino en galego.

Non máis de 30 segundos porfi , somos moitos e se participamos moitos o vídeo será máis dinámico .
Intentade facer o vídeo en horizontal . (Os que xa enviáchedes a vosa cantiga no vos preocupedes)

Xa sabedes , enviade o voso vídeo a solmisolmimi@gmail.com.
Tedes de prazo ata o próximo martes 12 de maio .
Animàdevos a cantar o voso nome ! Sei que en Vincios sodes todos uns artistas !

Aquí tedes o vídeo que fixen hai tempo como inspiración . Nel aparece Bobbie McFerri ( un dos meus músicos preferidos ) facendo como sempre cousas marabillosas .

Lembrade que desta vez non é un concurso pero será divertido cantar os nosos nomes cando nos volvamos ver ...

Por último tamén podedes ver o resultado daquel concurso coa cantiga de moitos dos nenos do cole puxeron música ao seu nome .

CONCURSO MUSICAL from librincios on Vimeo.